Mo, Sostar San Tu Rom?

Andi Rumunia na si aver maj baro barvalipen de sar i butǐ thaj le xramosarimata kodoleske kaj si o  fondatoro e  Romane phirrimasko ande  kadava them. Len te prinȝăren le Nikolaes Gheorghe, jekh katar le karaktera save  vazdine opre o  Kontaktosko Viram anda le Roma thaj Sintura kotar i  Organizaciă vaś o Sekuriteto thaj i  Kethani-butǐ andi Europa (OSCE).

Pala o projekto

Si jekh biografikani dokumentarikani produkcia palal o ʒivipen aj i buti e jekhe but śundo militantosqi, o rrom Nicolae Gheorghe, o manuś prinʒardo sar o dad e rromane aktivismosqo and-i Rumuinia, dikhlo sar jekh andar kodola kaj putardǎs o drom kadale butǎqo, aj jekh ambasadoro le rromenqo k-o maśkarthemutno niveli. O filmo sas kerdo katar i Civiko Platforma Aresel.

Dikh o dokumentaro

Manuś kaj dine vast pe kadaja butǐ/Kontributoriă

I Silvia Gheorghe

I phej le Nicolaeski Gheorghe

O Vasile Ionescu

Ov sas jekh anda le butpaśe amala le Nicolaeske Gheorghe ama vi lesko “laśo duśmano”. O Vasile Ionescu si jekh xramutno thaj jekh anda le maj bare personaliteta ando Romengo phirripen and-e kadava them. Ando 1990, ov ankaladăs o angluno Romano źurnalo katar i Rumunia, Aven Amentza. Kal berśa '90, ov kerdăs butǐ and-o Ministero vaś i Kultura, sar advaizero vaś e Romane butǐarimata. Vov xramasordăs maj but lila pala i kulturalno xistoriă.

O Iulius Rostaş

– Ov si jekh kotar e disćipolură le Nicolaeske Gheorghe. O Dr. Rostaś si o Śerutno vaś e Romane Rodimata/Asistento Siklărno ki Ćentralno Europutni Univerziteta anda i Budapesta. Sas Phirrutno Lektoro ki Corvinus Univerziteta andi Budapesta. O Dr Rostaś si o editoro le lilesko “Deś berśa maj palal: Jekh Xistoriă vaś i Romengi Śkolengi Desegregaciă andi Maśkarutni thaj Estikani Europa” (CEU Press, 2012) thaj ando 2011 vov ankaladăs nevo lil “Soćialo Inkluziă vaj Ekskluziă: le Ćaćimata le Źenengi kaj si len HIV katar i Moldova” (Cartier Publishing, 2011). Vov xramosardăs artikolură thaj kapitolură lilenge vaś i Romengi partićipacia thaj o Romano identiteto, Romengi śkolaki desegregaciă, o Romano phirripen thaj o ćivilno soćieto.

O Ciprian Necula

Si les jekh PhD andi soćialo antropoloȝia thaj maladăs peski kariera sar aktivisto vaś e manuśenge ćaćimata tala o śerutnipen thaj o mentorato le Nicolaesko Gheorghe, anindoj andi butǐ neve instrumentura ka te sikavel le stereotipură thaj le bilaćegindura le societetoske mamuj e Roma. Ov sas źurnalisto, o lidero ande kampanie demonstracienge ando them, o manuś so putardăs soćiale-ekonomikane projektura, politikano analisto, ko-fondatoro ande jekh socialo antepriza, konsultanto ande le maśkarthemutne organizacie, jekh vakărutno andi themeski media, o iniciatoro le Muzeosko vaś i Kultura le Romengi ando Bukureśti, thaj jekh anda le membrură le Rodutne Konsiloske ki Europaki Akademia Networko vaś le Romane Rodimata. Akana o Ciprian Necula si o śerutno andi Fundacia vaś o Romengo Siklărimasko Fondo.

O Adrian Năstase

Prinȝărdăs e Nicolaes Gheorghe kana sasas liduj studentură ando fakulteto. O Adrian Năstase sasas o Śerutno Ministro la Rumuniako kotar o Oktobro 2000 ȝi ko Dećembro 2004. Vov gelăs, ando berś 2004, andi alosarimaski kampaniă ka te ovel alosardo kandidato po than le śerutnesko themesko, thaj ov sas o Śerutno ko Deputatongi Kamera katar o 21 Decembro 2004 ȝi ko 15 Marco 2006. Ov si źuristo, akademiăko siklărno thaj blogero.

O Zeljko Jovanovic

Ov si o śerutno ko Open Society Romenge Iniciativiă. Si o śerutno ando Administrativno Konsilo and-o Evropako Romengo Instituto vaś i Arta thaj Kultura thaj membro ando Europako Konsilo upral le Avrălutne Relacie thaj ando ASPEN Instituto.

O Cristian Pîrvulescu

Ov si o śerutno le Fakultetako vaś le Politikane Ȝănglimata ki Nacionalno Themeski Siklărin vaś le Politikane thaj Administrativne Rodliarimata katar o Bukureśti. Ov si vi politikano analisto.

I Oana Sandu

Voj xramosardăs o artikolo "Mo, Sostar San Tu Rom?" pala o Nicolae Gheorghe. I Oana Sandu si źurnalista ki revista DoR katar o berś 2012. Kerdăs puśimata śela źenenca thaj xramosardăs pala o zїdo anda o foro Baia Mare, i diskriminaciă, o Romengo identiteto thaj sar si te oves i daj thaj o dad jekhe ćhavorresko dizabilitetosa andi Rumunia thaj o biandimasko sistemo le themesko.

O Nicolae Gheorghe

12 Novembro 1946 – 8 Augusto 2013

„Ko maśkar le berśengo 1970 ov maladăs te vazdel i kampania vaś le manuśenge ćaćimata (…) and-o 1993, kana o komunizmo andral pharadilo, ov vazdăs i angluni Romengi asoćiaciă, o Ćhentro le Romengo vaś i Soćialo Intervenciă thaj Rodimata (CRISS), ka te marel pe vaś o  andimos le Romengo and-o sistemo siklărimasko thaj te len than butǐako andi formalno ekonomiă le themeski. Pala o protesto vazdino lestar, ov manglăs e governostar te akharen le Romen pe anaveste, Roma, thaj na Ćigani. Les sas les vi aver barikane sune. Dikhelas te vazden pen 1,000 ćivilne asoćiacie, 200 tikne bisnisură, zorale ȝandimasa terne Roma kaj  te nakhen andi politika, ȝi kana lokorres aresen te ovel len sukćeso sar kotor ando themesko ȝivdipen” –  katar o Obituaro kaj sasas xramosardo ando The Economist źurnalo.

Learn More

Roden amen

O projekto si buxlărdo kotar o Romengo Siklăripnasko Fondo (REF), jekh maśkarthemutni fundacia de akanara duj dekade, savi dăs vast karing le Roma kotar o Maśkar, o Esto thaj o vesto Europako thaj kotar i Turkia. O REF dăs grantură, stipendje thaj siklărimaske programă karing le entiteta thaj  karing manuśa kaj si len sa kadă i pakiv  sar vi o REF and-o kaliteto, ando inkluzivno themesko siklăripe thaj and-i desegregacia le śkolengi thaj  ko levelo le klasengo.

KONTAKTO

    Romano Patrimoniumo si jekh projekto kaj kerdăs les thaj kaj arakhel pe and-o proprieteto la Fundaciăko  Romengo Siklărimasko Fondo.

    O Romengo Siklărimasko Fondo (REF)  si jekh maśkarthemutni fundaciă savi kerdilăs and-o 2005 thaj  lako reśipe si te  nakhavdel o baro siklărimasko dekalaźo reśisarimatengo maśkar le Roma thaj e gaȝe. Trujal lake reprezentativne ofisură, jekh aktivno thaj barărdino networko katar o Maśkar, o Esto thaj o vesto Europako thaj kotar i Turkia, o REF das grantură thaj stipendje karing entiteta thaj karing manuśa kaj si len sa kadă i pakiv sar vi o REF, and-o kaliteto, ando inkluzivno themesko siklăripe thaj and-i desegregaciă le śkolengi thaj ko levelo le klasengo.

    LEARN MORE